Undanfarið hefur verið leiðinda færð á götum borgarinnar. Ég lagði hjólin og fór með strætó í staðinn. Þangað til í morgun. Þá dró ég hjólið fram enda langþreyttur á bílveikinni sem undantekningalaust hellist yfir mig í almenningsvögnum.
Satt best að segja var færið þungt fyrir þá sem hjóla. Fjarðarkaupa-tengingin við Garðarbæ var að venju nánast ófær en síst af öllu sá staður sem var erfiðastur yfirferðar. Bílaplanið við verslunina var reyndar til fyrirmyndar - eini staðurinn í bænum þar sem fullkomlega var rutt og eigendunum til sóma.
 |
| Tengingin við Fjarðarkaup (HG2011) |
Við undirgöngin í Hegranes (í Arnarnesi) við botn Silfurtúns var annar og verri kafli - algjörlega ófær.
 |
| Undirgöng: Silfurtún-Hegranes (HG2011) |
Erfiðasti farartálminn var hins vegar í Kópavogi við rætur Kópavogstúns.
 |
| Í Kópavog (HG2011) |
Aðstæður löguðust mikið í Reykjavík en þar var greinilega byrjað að ryðja.
 |
| Ekkert hafði safnast í stíga við Fossvogskirkjugarð (HG2011) |
 |
| Vel rutt við undirgöng við Nauthólsveg. Valsmenn komust á æfingu í morgun (HG2011) |
Nauthólsvegur var lokaður að þessu sinni en ég hef ekki séð skafa í vegstæði í borginni lýkt og þar áður.
 |
| Mannhæðaháir skaflar á Nauthólsvegi og vegurinn lokaður (HG2011) |
Ég var snemma á ferðinni í morgun - fyrir kl. 8:00. En það er engin afsökun. Fyrir utan Reykjavík var óþolandi aðkoma að göngu- og hjólastígum. Ávinningur sveitarfélaga af hjólreiðum er töluverður og ef að yfirvöldum er raunverulega alvara með því að auka hlut hjólreiða í samgöngum þá verður að halda leiðum opnum.
Vonandi verður búið að ryðja þegar ég hjóla heim.
Ég hef einmitt gefist upp á að hjóla í vinnuna í þessari færð og hjóla þó bara innan Reykjavíkur.
ReplyDeleteMér fannst þeir byrja ágætlega á snjómokstrinum þegar það hóf að snjóa og fyrstu dagarnir voru þolanlegir, sérstaklega á leiðinni heim. En síðan hefur dregið úr mokstri og færðin verið verri með hverjum deginum. Og eftir hrakningar á fimmtudaginn til og frá vinnu þá fékk ég nóg og læt kallinn skutla mér í vinnuna þar til ég treysti mér í átökin aftur eða snjórinn minnkar.